Eolas Tábhachtach Maidir le Scéimeanna Tithíochta Inacmhainne atá le Teacht
*Uasdátú dar dháta 24ú Feabhra
Fógróidh Chomhlairle Contae Chorcaí, in am trátha, na scéimeanna tithíochta inacmhainne faoi seach, tráth a bhfuil siad le tosú. Is go poiblí a fhógrófar na scéimeanna ar shuíomh gréasáin na Comhlairle, ar na meáin shóisialta agus sna meáin chlóite. Sna fógraí, cuirfear na páirtithe leasmhara i dtreo an tsuímh gréasáin/ardáin ar líne chuí agus ón áit sin, beidh siad in ann rochtain a fháil ar na cáipéisí faoi seach (form iarratais, CCanna, critéir cháilitheachta, teorainn ioncaim, Comhaontú Tosaíochta, tréimhsí ama, srl) agus iarratas a dhéanamh tríd an tairseach ar líne.
Scéimeanna atá le Teacht:
Tá na scéimeanna seo a leanas le tosú sna míonna amach romhainn:
| Suíomh na Scéime | Líon Aonad | Cineál Aonad | Ar fáil le hIarratas a Dhéanamh |
|---|---|---|---|
| Mainistir Fhear Maí (Rathealy Close) | 20 | Tithe 3 sheomra leapa | Ráithe 1 de 2024 |
| Cloich na Coillte (The Miles) | 22 | Tithe 2 nó 3 sheomra leapa | Ráithe 2 de 2024 |
Céimeanna chun iarratas a dhéanamh:
Step 1:
Clárú:
- Cláraigh leis an ardán ar líne. Beidh an t-eolas seo a leanas ag teastáil: d’ainm iomlán, seoladh ríomhphoist agus uimhir fóin atá bailí agus in úsáid. Gheobhaidh tú uimhir dheimhnithe clárúcháin trí théacs a chuirfidh tú isteach chun an próiseas suiteála a chríochnú.
Céim 2:
Logáil isteach:
- Ina dhiaidh seo beidh tú in ann logáil isteach ar an ardán ar líne chun tús a chur le d’iarrtas. Mar chuid den logáil isteach seo, gheobhaidh tú uimhir dheimhnithe trí théacs chuig do ghléas móibíl. Beidh ort an cód 6 uimhir seo a chur isteach chun logáil isteach.
Céim 3:
An tIarratas:
- Feicfidh tú roinnt táb agus caithfear gach ceann acu a chomhlíonadh. Uaslódáil cáipéisí i gcomhaid íomhánna amháin m.sh JPEG nó PDF nó PNG.
Cáipéisí riachtanacha chun tacú le d’iarratas ar an tairseach ar líne.
- Fianaise ar acmhainn an ceannachán a mhaoiniú:
Litir Faofa i bPrionsabal (AIP) i gcomhair morgáiste ina ndeimhnítear an morgáiste is mó atá ar fáil duit. Ní mór don AIB teacht ó cholúnbhanc. Is iad na colúnbhainc ná: Banc na hÉireann, AIB, PTSB, Haven, EBS nó Iasacht Tí ó Údarás Áitiúil.
Níl uirlisí áireamháin ar líne inghlactha ach amháin go dtí go bhfaigheann tú do Litir Faofa i bPrionsabal i gcomhair morgáiste. Ní féidir linn próiseáil iomlán a dhéanamh ar iarratas gan Litir Faofa i bPrionsabal i gcomhair an mhorgáiste is mó a fháil.
- Fianaise ar Shaoránacht: Pas Reatha
- Fianaise ar an gCeart Cónaí in Éirinn do gach iarrathóir nach as an AE/LEE dóibh: Stampa 4 BNGSI
- itheantas fótagrafach: Pas nó ceadúnas tiomána reatha
- Fianaise ar Ioncam agus UPSP/Uimhir Chláraithe Cánach:
Fostaithe ÍMATL: Teastas turastail, líonta ag d’fhostóir, agus achoimre ar shonraí fostaíochta (P60 mar a tugadh air roimhe seo) atá ar fáil ó www.revenue.ie/MyAccount.
Féin-Fhostaithe: Cáipéisí don 2 bhliain roimhe seo: - Cuntais Iniúchta/Deimhnithe, ráiteas Comhardaithe Cánacha agus Admháil Íocaíochta Cánach.
Muna raibh aon fhostaíocht agat nó má bhí tú dífhostaithe le linn aon cheann den 2 bhliain seo caite:
Ráiteas ar an méid iomlán de shochair a fuair tú ó Leas Sóisialta i ngach aon bhliain. Is féidir é seo a iarraidh trí ríomhphost ó d’oifig leasa shóisialta/oifig Intreo áitiúil.
- Fianaise ar Sheoladh Reatha nach bhfuil níos sine ná 3 mhí
Ceann amháin de na cáipéisí seo a leanas: Ráiteas bainc/ráiteas comhair chreidmheasa nó bille fóntais (leictreachas, gás, idirlíon, fón póca nó teileafón) reatha.
- Fianaise ar choigilteas/taisce
Ráitis ó na 6 mhí seo caite do gach cúntas bainc, idir chuntais reatha, chuntais choigiltis, chuntais Revolut, chuntais chomhair chreidmheasa & chuntais an Poist srl do gach iarrathóir in ord dáta seicheamhach.
- Fianaise ar stádas mar cheannaitheoir céaduaire agus cáilitheacht i gcomhair na scéime Cabhair le Ceannach
Iarratas críochnaithe Cabhar le Ceannach le faomhadh deimhnithe. Ní mór ainm(eacha) an iarrthóra/na n-iarrthóirí mar aon le UPSN agus an teidlíocht is mó faoin scéim a bheith ar an bhfaomhadh. (Tabhair faoi deara nach n-áirítear iarrthóirí mar cheannaitheoirí céaduaire ach amháin má tá an BHEIRT iarrthóirí ag ceannach a dtí den chéad uair.)
Murar chuir tú isteach ar Chabhair le Ceannach go fóill, ba cheart duit é sin a dhéanamh anois ar www.revenue.ie.
Mura mbeidh tú ag cur isteach ar Chabhair le Ceannach, iarrtar ort deimhniúchán sínithe agus dátaithe agat féin a chur isteach ina maítear gur ceannaitheoir céaduaire thú, nár cheannaigh tú teach roimhe seo agus nach mbeidh tú ag baint leasa as Cabhair le Ceannach.
Ní mór do gach iarratasóir a bheith ina Cheannaitheoir Céaduaire nó na heisceachtaí faoin bPrionsabal um Thús Úr a chomhlíonadh nó teaghais a bheith aige/aici nach n-oireann, mar gheall ar a mhéid, do riachtanais chóiríochta reatha theaghlach an iarratasóra.