Deontais um Thoibreacha Baile Aonair
Riarann Comhairle Contae Chorcaí na Deontais um Thoibreacha Baile Aonair.
Is é cuspóir na scéime deontais ná cabhrú le sealbhóirí tí atá ag brath ar sholáthair uisce príobháideacha aonair. Cuirtear cúnamh deontais ar fáil nuair a thabhaítear caiteachas, chun feabhsúcháin a dhéanamh ar an soláthar chun a chinntiú go bhfuil an soláthar uisce fholláin agus glan, nó nach leor an chainníocht a sholáthraítear chun freastal ar riachtanais tís an teaghlaigh.
Tá tú i dteideal iarratas a dhéanamh ar chúnamh deontais más rud é:
- Go bhfuil do theach níos sine ná 7 mbliana d'aois
- Nach bhfuair tú cúnamh deontais le haghaidh Soláthar Uisce Tís sna 7 mbliana roimhe seo
- Nach bhfuil tú ceangailte le soláthar uisce phoiblí nó nach bhfuil grúpscéim soláthar uisce nó soláthar uisce phoiblí réasúnach ar fáil duit.
- Áitítear an teach mar do ghnátháit chónaithe.
Maoiniú deontais:
(a) 85% de na costais cheadaithe as oibreacha athshlánaithe tobair, faoi réir uasdheontas de € 3,000;
Nó
85% de na costais cheadaithe as tobar nua a sholáthar, faoi réir uasdheontas de € 5,000.
(b) 100% de na costais cheadaithe le haghaidh oibreacha atá riachtanach, dar leis an údarás tithíochta, chun an t-uisce a chóireáil chun na caighdeáin cháilíochta uisce a shonraítear i Rialachán 4 (2) de na Rialacháin um Uisce Óil a chomhlíonadh, faoi réir uasmhéid deontas de € 1,000.
Ní íocfar deontas faoi na Rialacháin seo i gcás gur lú ná € 750 an costas iomlán.
Ba chóir iarratais ar an deontas seo a dhéanamh chuig Comhairle Contae Chorcaí; trí athbhreithniú a dhéanamh ar na Téarmaí agus Coinníollacha maidir le deontais chun soláthar uisce príobháideach do theach a fheabhsú agus ansin lean ar aghaidh le ceann amháin den dá rogha seo a leanas:
Cliceáil ar an nasc seo a leanas, más mian leat iarratas ar líne a dhéanamh: Iarratas Ar Líne ar Dheontais Tobair Intíre
Cliceáil ar an nasc seo a leanas don Fhoirm PWS1a (Foirm Iarratais) más mian leat iarratas ar líne a chomhlánú, í a phriontáil agus a phostáil.
Cliceáil ar an nasc seo a leanas chun an Fhoirm Fhíoraithe Saotharlainne a chomhlánú, ( a caithfidh a bheith in éineacht le Teastas Anailíse Uisce), ba cheart duit í a phriontáil agus a phostáil.
Cliceáil ar an nasc seo a leanas chun an Fhoirm PWS1b (Foirm Éilimh Íocaíochta) a chomhlánú, í a phriontáil agus a phostáil.
Nuair a bheidh d’fhoirm iarratais comhlánaithe agat, seol í, mar aon leis an doiciméadacht tacaíochta ábhartha chuig:
Uisce Tuaithe - Soláthairtí Uisce Príobháideacha,
Seirbhísí Uisce - Airgeadas & Riarachán,
Urlár 10,
Comhairle Contae Chorcaí,
Halla an Chontae,
Chorcaí.
T12 R2NC.
Fiosrúcháin:
Ríomhphost: wellgrants@corkcoco.ie
Tel:
(021) 4285055(Oirthear)
(028) 40703 agus (023) 8836961(Iarthair)
(021) 4285294(Tuaisceart
(021) 4285146 (Deisceart)
Ní bheidh aon oibreacha a dhéantar roimh imscrúdú agus faomhadh Chomhairle Contae Chorcaí i dteideal an deontais seo.
Fógra Príobháideachta
Tá an Roinn Tithíochta, Pleanála agus rialtais Áitiúil tiomanta chuig do phríobháideacht a chosaint agus a urramú. Mínítear san Fhógra Príobháideachta seo an chaoi a bpróiseálfaidh an Roinn, mar an Rialaitheoir Sonraí, na sonraí pearsanta a chuirtear ar fáil di maidir le bainistíocht agus riarachán na scéimeanna cúnaimh airgeadais seo; conas a úsáidfear an fhaisnéis sin, agus na cearta is féidir leat a fheidhmiú maidir le do shonraí pearsanta.