Tá Scéalta agus Grianghraif á lorg ag Comhairle Contae Chorcaí le haghaidh Foilseachán Oidhreachta Miondíola
Beidh leabhar nua á fhoilsiú ag Comhairle Contae Chorcaí i mbliana a thaispeánfaidh stair oidhreachta miondíola iontach an chontae.
Scrúdóidh an foilseachán na comharthaí trádála is luaithe na mílte bliain ó shin go dtí na héadanais siopaí traidisiúnta is mórga, cuid acu a mhaisíonn sráid-dreacha bailte agus sráidbhailte stairiúla an chontae inniu. Tá ár n-oidhreacht mhiondíola lán de spéis chultúrtha ollmhór freisin, ó ainmneacha teaghlaigh i stair mhiondíola Chorcaí go dtí na fógraí miondíola agus scéalta is aistí.
Léireoidh an leabhar an tábhacht a bhaineann lenár bhfoirgnimh mhiondíola oidhreachta, ár nósanna agus gach rud eile idir eatarthu. Le tacaíocht ón gComhairle Oidhreachta, seo an tarna heagrán déag sa tsraith ‘Oidhreacht Chontae Chorcaí’, ar cuireadh tús leis in 2013.
Ag labhairt dó faoin bhfoilseachán atá le teacht, Thug Méara Chontae Chorcaí, an Clr. Frank O’Flynn faoi deara go bhfuil ionchur ó ghrúpaí áitiúla agus ó dhíograiseoirí oidhreachta ar cheann de na príomheilimintí de gach foilseachán rathúil,
Méara
Bhí an-tairbhe ag rannpháirtíocht an phobail ar na foilseacháin roimhe seo i Sraith Oidhreacht Chontae Chorcaí, lena n-áirítear grianghraif, scéalta, agus moltaí uathu maidir le láithreáin a chóir a bheith san áireamh. Fáiltíonn ár nAonad Oidhreachta roimh gach aighneacht agus moladh, agus spreagaim grúpaí áitiúla agus daoine aonair a gcuid scéalta a roinnt linn
Is féidir le cumainn oidhreachta áitiúla, grúpaí pobail agus daoine aonair a bheith páirteach sa tionscadal trí fhaisnéis, scéalta nó grianghraif spéisiúla a chur isteach chuig Comhairle Contae Chorcaí faoin Aoine an 21 Meitheamh 2024. Beidh sé mar aidhm san fhoilseachán an oiread aighneachtaí agus is féidir a chur san áireamh agus tagairt a dhéanamh dóibh.
Tá an tsraith leabhar ‘Oidhreacht Chontae Chorcaí’ ar fáil i siopaí leabhar ar fud an chontae agus ar líne trí shiopa ar líne Ionad Oidhreachta an Sciobairín ag www.skibbheritage.com . Is féidir cóipeanna a lorg freisin ag Halla Contae Chorcaí trí ríomhphost a sheoladh chuig corkheritage@corkcoco.ie nó ar an nguthán 021 4285905.